Երէկ Ժընեւի մէջ սկսած է Կիպրոսի տագնապի լուծման նուիրուած բանակցութիւններու հերթական փուլը: Կիպրոսի նախագահ Նիքոս Անասթասիատեսն ու «Հիւսիսային Կիպրոսի թրքական հանրապետութեան» ղեկավար Մուսթաֆա Աքընճըն հանդիպում ունեցած են Ժընեւեան լիճի ափին գտնուող Մոն Փելերին քաղաքին մէջ:
Դիւանագիտական աղբիւրներու փոխանցումով, կողմերը բաւական մօտ են վերջնական համաձայնութեան մը կայացման, թէեւ ապագայ խաղաղ համաձայնագիրի շարք մը դրոյթներ կը շարունակեն լուրջ տարակարծութիւններու առիթ հանդիսանալ: Անոնցմէ առանցքայինը կղզիի թրքական վարչակազմի հսկողութեան տակ գտնուող տարածքի յստակ սահմաններն են: Կիպրոսի յունական իշխանութիւնները կը պնդեն, որ թրքական կողմի վերահսկողութեան տակ գտնուող տարածքը պէտք չէ գերազանցէ կղզիի ընդհանուր տարածքին 28 առ հարիւրը:
All the contents on this site are copyrighted ©. |